有嘢賣！嚟緊有個慈善拍賣會，賣嘅嘢包括郵品集、陶瓷、石器、木雕、毛主席徽章、紀念碟、書畫等，五十蚊起有交易。出賣收藏嘅係前立法局議員杜葉錫恩。
據拍賣行經理話，杜太希望喺有生之年，將一百五十四件藝術藏品，賣畀真正嘅收藏家。杜太會將其中八十八件拍賣所得嘅收入捐畀樂施會，其餘則捐畀佢同丈夫杜學魁共同創辦嘅香港慕光英文書院。
杜太今次賣嘅嘢品種好雜，拍賣行經理話收藏品中有好多市場未曾賣過，唔知啲收藏家點睇，所以將底價由一百蚊降至五十蚊，預計最貴係黃君璧嘅山水國畫，估值近兩萬。
有興趣嘅善長仁翁，今日至十六號可以去中環錦安大廈睇預展，拍賣會十七號舉行。
﹙圖）杜葉錫恩會將書畫拍賣所得嘅收入捐畀佢同先夫創辦嘅香港慕光英文書院。
傳真︰2623-9278
電郵︰