任總如激濤中磐石 - 李八方

  任總如激濤中磐石 - 李八方

金管局總裁任志剛較早時上立法會滙報,談笑風生,句句有骨,引起好事之徒猜測佢會取代梁錦松做財政司司長。

飽歷風浪
八方近日得閒翻吓金管局之年報,今年任總用咗好多本地風景相做主題,原來佢哋向漁農署、水務署等機構借咗一批精美照片,而封面相就係激濤之磐石,大有任憑風浪起,我自穩如山之意,同任總嘅經歷亦好配合。
過去兩年,咁多暗箭、匿名信滿天飛,有啲料根本得嗰十幾個人知,都一樣流出街,連馬會董事都要俾人叫話唔好做。不過,任總𠵱家就冇乜事啦。金管局年報用嘅相素有深意,呢張封面相,任總唔知有冇裱起佢?
至於講到任總做唔做司長,八方諗起十年前有人講過:做央行行長,幾乎喺全世界嘅機場都行得VIP通道。做財政司司長得唔得呢呵?


傳真︰2623-9278
電郵︰[email protected]

任志剛