德國平治車廠於日前公布咗四月份汽車銷售數據，雖然連Smart計算在內嘅總汽車銷售數目，較去年同期有所下調，但表現仍能令人感到滿意。喺2003年4月，平治車廠合共售出110,600部新車，較2002年同期嘅112,900部下跌2,300部；而響售出嘅110,600部新車當中，其中96,800屬平治汽車，而其餘13,800部新車則為Smart車款。廠方又指出，Smart於四月份嘅汽車銷售量，因全新Smartroadster及roadster-coupe正式推出後而急升20%，並且成為Smart車系推出以來，最佳嘅單月份銷售數字。
同時，廠方亦公布今年1月至4月首季嘅汽車銷售數字，所出售汽車數目多達401,800部，較2002年同期嘅405,400部下跌3,600部，當中平治車系佔上363,800部，而Smart車系則佔當中嘅38,000部；至於最受車迷歡迎嘅車款，相信非E-Class莫屬，皆因響今年頭四個月內，已於全球市場售出96,600部新車，升幅高達51%，表現可謂十分出色呢！