藝人，黑超，唇齒相依。想在炎夏來臨之前，替自己物色番款型格超？咁就要留意紅星之選，近排栢芝出席大小場合，都愛佩戴Vintage超，皆因潮流興懷舊，今年六七十年代的婆仔鞋、圓枱裙、SuperMini和PlatformShoes在時裝界再度復活，而這個年代的黑超，亦順理成章，成為藝人今夏首選。有見及此，今日就為大家挑選了型格超及新款功能超，讓潮流先鋒和活躍好動的你，慢慢睇慢慢揀。
記者：楊一凡
攝影：林栢鈞（部份照片由Whatthefunk提供）
始於六十年代的英國品牌Solex，有膠及金屬框設計，栢芝四月底度假時，選擇了啡白間黑超，幼細橫間Vintage超配橫間帽及EvisCoinsBag，這個新舊Mix&Match一樣配出型格；早前出席抗炎活動，栢芝以德國Rodenstock黑灰框機師超，配Tee和Levi's褲，幾英。韋文認為Vintage黑超很百搭，襯乜衫都型。（Whatthefunk）
Solstar的白膠框眼鏡，很李小龍Feel，令鄭中基霎眼間變成許冠傑，看來黑超不但可擋日頭，還可令你變得靚仔。問韋文Vintage太陽眼鏡襯乜衫最好睇？他笑說其實很包容，西裝又得，恤衫和Tee都掂。（Whatthefunk）
樂仔佩戴的是法國OlivierMonclair的金屬框太陽眼鏡，看上去很Classic，其特色之處是左右鏡片相連，即鏡面一塊過，款式算幾罕有，韋文視之為私人珍藏，雖然搜括過程不算太吃力，但有緣碰上心頭愛，還是會好好珍惜，故不打算出讓。（Whatthefunk）
Whatthefunk（28683307）
地點：中環蘭桂坊14號二樓
備註：由即日起至2003年5月20日，購買店內黑超，可享八折優惠。
老闆韋文是Vintage黑超的Collector，他在外國留學時，就開始收集Vintage太陽眼鏡，回港後乾脆開店出售一手的懷舊黑超，珍品以名牌為主，他解釋：「一來名牌設計靚，二來Vintage黑超大多是膠框，名牌用料好，襟擺。」其實今季外國雜誌都有煲Vintage黑超。他又指：「本地的Vintage眼鏡多數係二手，我每兩個月就飛去歐美入貨，加埋外國朋友幫吓眼，暫時我Keep住賣全新Vintage超。」
Nike今年新出的紫色Golf太陽眼鏡，鏡片色水是非一般的紫，其特色是清楚看到草地的紋路及草面的反光，以便你掌握擊球時的方向和力度；另高球表層漆有螢光油，故被球棍一擊時，會擦出點點刺眼的火花，此鏡片能過濾這點火光，讓你更專心出擊。（SensesOptik）
Nike搶眼閃橙鏡框，夠晒Sporty，眼鏡的弧位是特別為面細細嘅東方人而設，所以瓜子口面的你，戴上面一樣Fit；鏡框的流線型設計，進入室內時，順勢一推，眼鏡變頭箍，美觀靈活。（SensesOptik）
PorscheDesign一改往日成熟設計，今年推出款迎合年輕人口味的太陽眼鏡，以這款鏡中鏡為例，很適合很些不喜歡戴隱形眼鏡的運動健將。要知道一般太陽眼鏡鏡片都呈弧形，弧形鏡片很難加度數，因為兩側的弧位，令物件看上去變形，所以就要用鏡中鏡去補救，要配中間的特製小鏡，需另付$1,075。（SensesOptik）
SensesOptik的老闆Eddy提議你買太陽眼鏡時，先考慮用途，為咗襯衫還是為運動用？定好大方向，然後再想自己玩咩戶外戶內還是水陸運動，收窄範圍以便挑選。在保養黑超方面要注意以下三點：
1.香港空氣差，鏡面易沾微細沙塵，抹鏡片前先沖沖水或呵啖氣，然後才用眼鏡布抹，以免刮花鏡片。
2.若太陽眼鏡被汗水或海水沾濕了，記得盡快用梘液及清水沖洗。
3.不要讓太陽眼鏡在烈日下暴曬，用完後應該放在眼鏡盒，並擺放在陰涼處，暴曬會令鏡框變形。
SensesOptik（28695111）
地址：中環威靈頓街28號一樓