揶揄王鋒戀愛的記號
盧巧音戒紋身只愛爛身爛勢

盧巧音日前為一本時裝雜誌影了一輯相，在專訪內大談對穿衣潮流的看法，表示最愛以爛身爛勢的街坊裝示人。早年以Rock友形象示人的盧巧音最愛紋身，但她現在卻指摘紋情侶紋身的人，不知矛頭是否直指前男友謝霆鋒和王菲的「比翼相飛」呢？

盧巧音成為五月號《JESSICACODE》的封面人物，她在訪問內暢談對穿衣潮流的看法，表示日常最愛是牛記笠記街坊裝。
盧巧音說：「爛身爛勢嘅街坊裝最啱我，除咗有親切感外，又容易配襯，我最鍾意着Roxy、Quiksilver同vintage嘅T-shirt。不過我話晒係讀時裝設計出身，到出席大場面時，梗係有咁靚得咁靚啦。好似我嚟緊演唱會就會扮到靚一靚，重有Fendi贊助珠寶，RebeccaTaylor同Erotokritos贊助服裝㖭。」

「係一生一世嘅嘢」
初出道時，盧巧音走Rock友形象，身上多處紋身叫人難忘，她在訪問中卻表示不會再紋身，她說：「我終於明白一句說話『身體髮膚，受之父母，不可毀傷』，我嗰時紋身都俾父母鬧過好多次。」
盧巧音續說：「我覺得紋身係一種態度同埋bodyart，九八年我夾緊band，第一次紋身紋咗喺左邊手臂。到第二次就紋喺肚皮度，我承認紋身係會上癮嘅，又係一生一世嘅嘢，但係最唔認同啲人紋啲有意思嘅圖案上去，好似關於男女朋友感情嘅嘢。」
謝霆鋒和王菲的愛的紋身「比翼雙飛」曾是全城熱話，未知盧巧音這一番言論的矛頭是否指向前男友謝霆鋒？