同大家上一堂天文課，學嘢啦！
話說上月尾車公廟做法事驅瘟疫，有人影下此張相（圖），八方登咗，並以「天有異像？」為題，不料博得內行人專函解釋「異像」真相。
呢位專家話，所謂「異像」，正確講係「日暈」，日暈其實非天文現象，而係大氣光學現象，觀賞時勿直視以免傷眼。
佢話由七六年迄今，天文台一共有八十五個日暈報告，四月同五月最多，共有四十個。至於上述嗰次，乃由於廣西省同越南北部有強雷暴雲發展，此雷暴雲頂部由冰晶形成嘅捲雲隨偏西氣流飄移至香港上空，陽光經冰晶折射，遂形成日暈。若晚空有捲雲，月光亦會產生月暈。
係咪好深呢？八方唔係太明，但唔敢唔信，事關呢位專家就係謝明浩──天文台台長是也。有咁盡責之官員，市民福祉也。
傳真︰2623-9278
電郵︰