上周亞Mark幾乎響同一時間，收到車行內幾樁人事變動嘅消息；可賀嘅係曾任職過舊日勞斯萊斯，後期因為代理權易手，而重投萬事得汽車嘅SpencerLam。佢早陣子離開咗萬事得後，曾經一度投身於投資行業；及至最近，由於英國勞斯萊斯車廠納入寶馬旗下，香港代理權因而順理成章地轉咗去森拿美集團，而Spencer同時間亦得到新代理總舵手JohnWong嘅青睞，響今日正式出任勞斯萊斯嘅SalesManager一職，所以亞Mark成日都話，做事最緊要有實力，就唔怕無人賞識㗎！至於佢哋位於中環嘅陳列室，據聞呢個月底就會開張，咁即意味住部新款Phantom轎車，好快就會跟香港車迷見面嘞！