上周五美股急升，在此之前恒指已升183點，行先美股一步，所以港股受美股刺激作用唔會太大。恒指現時9084，若因美股再帶動向上，例如見9200，則高追Call輪恐怕風險大值博率低，到時要做嘢嘅話，揸Put輪好過揸Call輪。
喺指數高位揸Put輪，直接揀恒指Put輪，揀啲交投大、溢價未係最高嗰類埋手，例如9698、9722同9806。上周五，呢3件淡友輪都因為槓桿率唔細而有較大跌幅，要有心理準備3件輪，尤其係9698，未來幾日波幅仍然唔細，每日贏同輸都可能講緊十個二十個巴仙。
滙豐（005）好勁，7日之內由最低嘅81.50元殺上89.25元。升起上嚟之時好多理由可以解釋，例如美國銀行股好掂、歐元急升滙豐大賺滙水、收購Household後指數股要買多啲滙豐等，不過𠵱家嗰價，RSI已經到咗80過外，又已升抵年初高位，而距再上一次高位（92.50元）水位有限，滙豐Call輪值博率已大降。想博嘅，應考慮Put輪，對象係9642。滙豐風頭火勢，入市買Put輪需要唔小勇氣。
新地（016）上周跑輸大市，成個禮拜只係升得30仙，弱勢持續。若然美股帶動港股，新地搶番上去，則吼低位揸啲新地Put輪9676。隻輪7月初夠鐘，現價74仙，溢價0.3%，槓桿率5.1倍。
章 盛