受非典型肺炎肆虐影響，全城團結一致，齊心抗炎，唔少慈善基金亦都紛紛成立，協助救援工作，蘋果日報慈善基金當然義不容辭，成立咗兩個專戶，包括「支援弱勢社群抗炎行動」（捐款編號：C0909）、「援助非典型肺炎受難者基金」（捐款編號：C0930），啱啱又成立咗個「抗炎助人短期援助計劃」（捐款編號：C0940），協助受SARS影響生活有困難嘅人士。
不過，大使認為，抗炎行動固然緊要，但都唔可以忽略其他弱勢社群，所以蘋果基金會如常繼續處理各社會服務機構嘅撥款申請。本年度第二季嘅撥款申請由即日起開始，任何社會服務機構、非牟利慈善團體、小組、自助組織都可以提出申請，凡有意義、創新、切合現今時代轉變，直接幫助弱勢社群嘅服務計劃，將獲優先考慮。社會服務機構可以將有關計劃書寄交或者傳真畀本報，以便蘋果愛心基金委員會於短期內審核，截止日期為五月三十日。另基金印備《資助社會服務機構》小冊子，供有興趣嘅團體索取。
查詢電話：29908688
傳真：23702192
地址：九龍將軍澳工業邨西駿盈街八號蘋果日報慈善基金
暖流熱線
電話：29908688
傳真：23702192
電郵：
網址：