市民同高官都去飲茶賀母親節，但兩位立法會議員就過咗個不一樣的母親節。
身為一子之母嘅何秀蘭，平時已經同囝囝好好感情，所以噚日反而冇特別慶祝，母親節節目竟然係約朋友傾反對二十三條立法嘅大計！八方真係服咗呢位工作狂。
何秀蘭話雖然有人發起七一大遊行反二十三條，但到時可能已經太遲，有乜想改都未必改得到，所以要盡快計劃游說公眾嘅工作。
至於何俊仁嘅母親節就大件事，因為佢有三個「母親」，包括自己媽咪、外母同埋老婆大人，只好分兩日趕三場分頭慶祝：前一日約埋成班兄弟姊妹同媽咪食飯，噚日中午請外母飲茶。
由於三個仔女都唔喺香港，只能打長途電話問候媽咪，所以慶祝重任落喺何俊仁身上，噚晚要代仔女請老婆食飯慶祝，真係難為了爸爸。
傳真︰2623-9278
電郵︰