李惠敏與姚樂怡前晚往中環Queen'sDisco演出眼鏡show，兩人除了收取酬勞外，並獲得太陽眼鏡贊助。
姚樂怡前晚穿上透視背心行catwalk，腰間露出豬腩肉，她說：「因為非典型肺炎少咗好多job，成日匿喺屋企，食多咗嘢咪肥咗七磅囉，遲啲要拍無綫劇集《非常外父》，一定成日食消夜，我都驚減唔番呀。」
李惠敏前晚聲音沙啞，她表示因早前拍戲需大嗌而失聲，她說：「我前幾日拍《我的野蠻男友》，要同曹永廉拍場着住衫嘅搞笑床上戲，嗌到失聲。我已經食八仙果開聲，又睇西醫，中西合璧醫啦，因為七月要出新唱片，𠵱家趕住錄音。」她又表示那場床上戲在品流複雜的時鐘酒店拍攝，她說：「嗰日開工我帶咗支特大噴霧去消毒㖭。」
採訪:DebbieLum
攝影:HoKwokHo
