全新本田Accord車系，未推出經已教車迷矚目，皆因車系本身嘅全新概念，全係來自一頭身手矯捷嘅捷豹；造型既流暢兼動感之餘，車身兩旁亦見肌肉感，匹配埋低斜車頭輪廓，以及炯炯有神嘅HID大燈配搭，一派高級房跑車個性，可謂表露無遺。早前，登陸美國最新Accord，二個月累積銷量經已高達56,784部，廠方預期全年可售出400,000部。
至於東瀛本土頭兩個月開售，亦錄得16,000部紀錄；而今年響泰國正式投產嘅新Accord，首二周嘅銷量亦達1,000部，相信其中有賴生產線對產品「三重保護」嘅措施。然而，普羅車迷至為關注，會係新車嘅安全性，可喜嘅係新一代本田Accord，早前經已獲得美國國家公路交通安全局（NATSA）嘅五星評級呢！