唔知大家記唔記得英國泥膠公仔動畫《超級無敵掌門狗》呢？雖然全新嘅《掌門狗》電影要喺下年先至面世，但原來有十個全新製作短篇故事已經搶閘出籠，畀fans頂吓癮。
唔經唔覺掌門狗同發明家主人華佬已經同大家闊別七年，今次呢十個短篇故事主要圍繞華佬炮製嘅機械新發明，樣樣都匪夷所思，自然鬧出唔少笑話。好似《TheSoccermatic》就講華佬為咗提高足球技術，設計咗一部射波機，結果着住球衣嘅掌門狗被迫做靶，十分可憐。不過最慘都係喺《TheBullyProofVest》入面，華佬設計咗一件識出拳頭嘅防彈背心，硬食咗幾拳嘅掌門狗，搞到成隻熊貓咁！
華佬嘅設計真係妙想天開，佢唔單止製造咗個會煮早餐嘅機械人，為咗要贏砌雪人比賽，佢重做咗個堆雪機！其實呢十個古仔，有六個已率先喺英國戲院播放，而英國版嘅全新DVD《Wallace&GromitCrackingContraptions》，只限於官方網頁訂購，不過佢哋月底會喺日本公開推出日版DVD。