全國政協副主席霍英東前日八十大壽，雖然佢例牌低調，只同三個仔在家慶祝，但中央仍畀足面。
全國政協主席賈慶林不但發出賀電、送上花籃，更囑託中聯辦主任高祀仁專程去老霍家中賀壽。至於賀禮方面，全國政協辦公廳致送一幅中堂「壽同山嶽永 福共海天長」，中央統戰部則送咗一尊壽星玉雕，中聯辦送嘅係仿古壽桃花瓶。
老霍可謂當之無愧，好似最近佢又係第一個捐兩千萬畀廣東省抗炎，香港其實亦有受惠，話晒兩地來往頻密，廣東一日未搞得掂，香港一日都唔會好過。
除咗中方嘅賀壽團，新華社又發出長文，講述老霍多年來對國家人民嘅貢獻，霍老重提韓戰時期被指走私，看來仍耿耿於懷，話「歷史證明，我做的這些事沒有錯！」
﹙圖﹚霍英東八十大壽只低調咁留喺屋企同三個仔慶祝。
傳真︰2623-9278
電郵︰