家燕媽媽的形象非常入屋，大人細路都懂得叫她的名字，連內地玩具廠都以她的肖像推出多款商品。每天幕前幕後都做好媽媽，有六個人錫自己，家燕媽媽不知有多快活：「如果調番轉，我自己嘅仔女有文龍佢哋咁大，咁就放心啦。」Jackson和Jamie雖然半成年，還是懂得入廚𠱁媽咪開心。
如果家燕姐正在閱報的話，請停止讀下去，因為事關你的三個子女的秘密，若你是在5月12日凌晨閱報又另當別論。情報員Jackson緊張地詢問小記見報日期，希望盡量不會洩露他們的秘密。Jackson透露今年母親節的作戰計劃：「大家姐在美國自製咗一個珠寶盒，又好似係袋（自己也弄糊塗了），會寄返嚟送畀媽咪。至於我哋，我識彈結他，細妹彈鋼琴，我哋會合奏《皆大歡喜》的主題曲（古裝版），我哋有互相畀意見，好有信心第一次合作會成功。」這時有點睡眼惺忪的Jamie點頭附和，信心十分堅定，誠意可嘉。至於吃飯的地點，Jackson說會留待媽咪決定。今次預備的三道菜，算是預早慶祝母親，這方面難不倒Jamie，去年媽媽生日時，她已搬出家政課的訓練成績，炮製了一道楊枝甘露給媽媽。
芒果好甜，好得。啲三文魚、生果砌埋好靚，好開心。
芒果100克
有氣礦泉水30毫升
煙三文魚30克
士多啤梨30克
牛油果30克
沙律菜少許
武夷葱少許
現買現用的薄餅底味道不俗，切成心形好靚。上面的topping以蔬菜為主，唔怕肥。
雪藏薄餅底1個
薄餅番茄醬2安士
菠蘿片1片
白菌1塊
火腿35克
番茄粒10克
綠甜椒10克
Mozzarella芝士80克
士多啤梨啫喱粉80克
水500毫升
鮮奶100毫升
水100毫升
糖80克
甜忌廉300克
士多啤梨茸150克
新鮮士多啤梨150克
Jackson：「媽咪外形同埋教育都攞足一百分，佢為咗賺錢養我哋，好辛苦做嘢，有時都會反對我打機打太耐，自問都會聽教聽話，好多時自動自覺，做晒功課至玩。我哋想學媽咪咁堅強，工作認真，凡事做到足。我會為佢加油，努力。」
Jamie：「媽咪好錫我哋，媽咪，我永遠支持你。」
林文龍（金年）：「我拍咗咁多年戲，最Pro、最似媽咪嘅就係佢，大家合作咗兩年，認識深咗，關係扣住咗，大家自然互相關心。早三個禮拜佢有病，我打電話問候佢，原本諗住佢沖緊涼同工人講叫佢唔使覆，佢轉過頭就覆番我。佢最似我媽咪嘅地方就係為咗頭家仆心仆命，我有勸過家燕姐，佢咁辛苦搵錢，但無時間陪仔女，戥佢辛苦。」
謝天華（金月）：「最初合作，我覺得佢好似小露寶，大力肯做，周身刀曉變身，忙到唔使瞓，有時後生仔咁捱法都唔得。好佩服佢為頭家，係一個好盡責的媽咪，分配時間好好。有時拍戲情緒有高低起伏，佢好似阿媽咁講啲安慰說話，真係幾Warm㗎。」
陳彥行（金日）：「佢直頭係我半個媽咪，記得佢舊年拍古裝同《LovingYou》叠期，加埋登台，佢咁辛苦為乜，都係為仔女，真係好偉大，覺得好感動。」
紅足四十年的家燕媽媽，雖然曾經中途離場，回到圈裏，由劇集創造的好姨、慈姑效應，熱潮未見減退，家燕媽媽把成功歸功於媽媽。
「我的成功，媽媽幫了好大忙，我做童星的時候已經係實事求是，媽媽喺多方面支持我，練北派、跳Ballet、學唱歌。當然爸爸嘅影響都好大，係佢幫我算八字話我食呢行飯會有成功的一面。」有其母必有其女，家燕媽媽對三個子女還也如媽媽一樣悉心栽培。「仔女想學乜，我會盡量畀佢哋學多啲。我見到時下的年輕人愈嚟愈辛苦，最緊要佢哋搵到食，健康、開心，做到自己想做的事，唔一定要有好大成就。」
任何人都看得出家燕媽媽非常痛錫子女，無論多忙也會抽空傾偈，子女們體諒媽媽的辛苦，從來不埋怨母親很少時間陪他們。去年大家姐行將出國念書，便為母親炮製了一個難忘母親節。「上年我個大女預咗今年陪唔到我過母親節，提早同我慶祝母親節，預先同我助手度期，又訂咗我鍾意食嘅潮州翅。我好奇怪未到母親節點解會有母親節餐食，後來至發覺佢搵咗好多間酒樓，最後終於搵到呢一間可以提早做餐。」今個母親節，家燕媽媽未有任何計劃，倒是收身成功後，仔仔成功減去三十磅，成績也不錯，現時還繼續努力，算是另類親子活動。「我很enjoy𠵱家嘅生活，我覺得自己個樣似三十幾歲，心境就五十幾歲。五十幾歲唔係蒼老，反而係成熟穩重，已經磨成針，百毒不侵，能夠做到想做的事，又唔會力不從心，希望六、七十歲都咁健康。」
或許是劇集已經出街的關係，親眼見到家燕媽媽就會覺得「公仔人」跳出來了，她笑說戲中人有點糊塗，有正義感，現實中的家燕媽媽卻是有條理的人。對三個劇中子女，家燕姐笑言跟他們見面多過親生子女，感覺這個家庭很溫馨。「三個仔女入面，林文龍份人好順得人，好識搞笑𠱁人，謝天華呢，唔好睇佢個樣似蠱惑仔，其實我哋劇入面其他人都叫他做「𣲷神」，因為佢做嘢好「𣲷」。阿行份人就好爽，開朗，無牽無掛咁。」