四月十八日的清晨，囡囡出世了。才二十八歲，初為人母的黃敏惠經歷了一段沙士邊沿走過的日子，因為她家住淘大花園旁的得寶花園、又準備在疫情嚴重的聯合醫院生產、預產期也剛好在沙士高峯期。「當時真係神經衰弱，日日唔敢出街，連聯合嘅醫生都叫我冇乜嘢唔好返嚟！」最怕是無故染上SARS，影響腹中小生命。
黃敏惠家的窗口遙望淘大花園E座，屬高危區域。懷孕期間，「除了去醫院檢查之外，我都足不出戶，喺屋企等生，一個人對住四道牆，真係好悶，但係都冇辦法。」
「本來準備去聯合生產，點知聯合又成為重災區，醫生重叫我冇乜嘢事都唔好返嚟。」結果，黃敏惠改去法國醫院生產。但在住院期間，法國醫院竟又有醫護人員感染沙士。她說，將來一定會將這段膽戰心驚的懷孕過程，告訴小碧禧。