年年佛誕都會有一連串慶祝活動，今年新增「供僧大會」，噚日於紅館舉行，重請埋立法會主席范徐麗泰參與儀式。
噚日場面都算宏偉，五百多位大師身穿僧袍站立場中，即使「沙士」肆虐，仍有幾千位信眾捧場。范太參與嘅係第一部份嘅「佛前大供」儀式，單係企喺台上聽全大和尚們念經，都至少要企半個鐘。難得范太非常好定力，企足全程郁都唔郁，重一直雙手合十，表情虔誠。
八方重以為范太係佛教徒，點知事後問番佢竟然話唔係，不過范太好接受佛教嘅出世、入世思想，唔怪得佢做立法會主席做得咁投入，原來佢覺得「出世」與世無爭，「入世」即要幫助社會事務。
至於「供僧」由來，據說係佛陀教弟子借供養十方僧眾，就可以用功德令親人靈魂脫離痛苦。
﹙圖﹚范徐麗泰（左）雖非正式佛教徒，也一臉虔誠，交足功課。 成啟聰攝
傳真︰2623-9278
電郵︰