即將復出的陳慧嫻去年患上焦慮症，有晚她因此氣促得手腳麻痹，半夜跑到養和醫院求診，但當晚勇救伊人的謝國麟醫生，竟是二十年前曾譏她暗瘡妹的男孩，有傳對方還未正式與太太離婚，但月老卻為他倆牽紅線，至今蜜運六個月的陳慧嫻，日前更首次開腔回應涉做第三者的傳聞。
陳慧嫻的愛情故事很簡單，她曾跟唱片監製區丁玉拍拖，分手後與擔任形象設計的張卓文墮愛河，這兩個男人均叫Michael，亦分別跟她拍了六年拖。現年三十八歲的陳慧嫻，去年八月因患上焦慮症而到養和醫院求診，邂逅了醫生男友謝國麟，兩人至今已拍拖半年。
不過，早前有報道指謝國麟育有一子一女，還未與太太辦好離婚手續，便跟陳慧嫻交往。甚少是非緋聞的陳慧嫻，今次卻被指是第三者，令她的戀愛故事也變得複雜了。
對於這個消息，首次回應傳聞的陳慧嫻並沒動氣，還笑說：「我嘅形象太健康，冇人會信，所以我冇乜點擔心過，實情我梗係唔係第三者，係第十者。」
陳慧嫻續說：「佢又唔係圈中人，無啦啦有記者企喺診所門口，又有人扮睇病，係幾騷擾佢嘅，佢唔太習慣，但我已經一路感化佢，對呢啲新聞唔使太認真。」
問陳慧嫻男友是否已經處理好他的家事？她說：「處理完啩！我唔會干涉佢嘅嘢。」陳慧嫻明知男友曾經失婚，但她毫不介意，她說：「佢夠知我有過區丁玉、MichaelCheung，每個人總有過去嘅。我識咗佢半年，但唔係好熟！」
陳慧嫻以不大相熟來形容她與謝國麟的關係，但她倆不是正在拍拖嗎？她說：「係拍緊呀。」那是不是還未認定對方？她想也不想就說：「梗係唔認定，我好歡迎大家報名。」
之前有傳謝國麟是陳慧嫻的中學同學，當年他更曾暗戀陳慧嫻，但陳慧嫻表示以前從不認識對方，直至去年某夜她跑到養和看病，遇上謝國麟，之後他才跟她提起這個暗戀故事。
陳慧嫻說：「我讀女校㗎，佢唔係我同學，嗰時我讀緊中六，但已經唱緊歌，佢就讀緊大學，佢讀醫學院嘅一個朋友識得我，呢個朋友懶醒，話帶佢見明星。有次我放學出嚟，他就企喺門口扮睇風景，佢見到我之後，重同朋友講：『又話陳慧嫻好靚嘅？點解成臉暗瘡，重戴副大眼鏡㗎？』但佢都『吊』住我同細妹返到屋企樓下，當時我都唔知佢『吊』住我尾㖭。」
陳慧嫻續說：「到嗰晚睇病，佢先話畀我知呢件事，所以我從來冇見過佢，但呢個係緣份，幾得意嘅。」
對於這段戀情，慧嫻僅以「sofarsogood」來形容，她說自己對愛情十分專一，但她不恨嫁，她說：「對我嚟講，結婚唔係必經階段，到咗某一個時間，大家覺得適合至算。」
