寶馬未來所推出的車系，多會以FlameSurface線條作為主流，而新6系亦會全面使用這種超流線型的線條，其中GTCoupe版更是加上套一體式包圍，外觀同一部未來太空車差不多，車頭方面用一字式指揮燈同雙射燈設計，鬼面罩保持5系外觀，而車頭線條則較為尖身。下擾流係薄身設計，有助上斜路時散熱功能。
另外，車尾尾廂蓋和尾翼連成一體，加上跑味甚重嘅擾流同雙出尾喉，賣相比M3更具超級跑車嘅氣勢。引擎方面，6系GTCoupe擁有一台4.5公升V8引擎，馬力輸出高達333匹，但廠方正打算在6系推出後一年，會推出M6，這部M6會用一副500匹V10引擎，相信係M系跑車中最強嘅車種。