蘇志威（阿細）、劉小慧、陳彥行（行姐）和陳伶俐，昨日出席屯門一商場活動，當中以多年沒有出唱片、亦曾有「學生情人」稱號的劉小慧最受歡迎，其中一名擁護了她八年多的男歌迷，帶備有關小慧的收藏品如唱片等索取簽名。
小慧說：「做過歌手係着數啲，通常男fans都會長情啲。」而她的夫婿阿細醋意大發說：「嘩！重耐過我？我哋九五年開始（拍拖）。」小慧表示已收到四歲女兒蘇君蕎做給她的心形掛飾。
另外，有指薛家燕和苑瓊丹拍攝《皆大歡喜》時因遲到問題而在化妝間內爭吵，亦有演員在埋位時經常因傾電話阻礙進度。
陳彥行對此說：「我覺得呢啲新聞係無中生有，可能我哋套劇出咗冇耐啦，咪當宣傳囉！其實大家合作得好開心，而遲到問題都唔算嚴重，而且個廠入面都收唔到電話嘅！」