羅霖昨日往黃埔接受新城電台節目《一個靚墟》訪問，她表示因非典型肺炎肆虐，兩個兒子停學期間便由她肩負家庭教師的責任。
羅霖說：「最近真係忙過以前好多，每日都要幫啲仔安排功課，又同佢哋做運動，唔使去美容院都咁fit，最大收穫梗係同啲仔更加close。」她又指小朋友很早熟，七歲的大仔和五歲的細仔對異性已十分好奇，她說：「我已經開始教佢哋有關性嘅常識。」
明日是母親節，羅霖表示屆時家裏會十分熱鬧，她說：「我會同媽咪、奶奶同老公囝囝一齊出去食飯慶祝，𠵱家經濟咁差，更加要適量消費啦。」問她有否考慮再追BB，她說：「會呀，我一直想追個女，已經搵咗生女秘方，出年會開工㗎啦。」
採訪、攝影：JessicaNgan