積架是英國最架勢嘅車廠，原因是車廠本身可以生產世界級水平房車，但又可設計極品跑車，可算係文又得武又得。最近，積架推出一部概念超級跑車XF10，其速度和性能可以追得上法拉利Enzo和保持捷CarreraGT。XF10擁有一台中置7公升V10自然吸氣引擎，輸出高達640匹，配合只重1200kg的車重，0-100km加速只3.8秒，極速高達336km。另外，制動系統配上Brembo最新設計的輕量6活塞制動。
車身方面，XF10外形由Foure設計，再加上積架在F1賽車場得來嘅空氣動力學，車頭用上一體式泵把，加上一個類似S-Type的鬼面罩，兩旁配上空氣動力學的擾流及氣霸，原理和法拉利Enzo相似，重有兩側嘅倒後鏡，設計同一級方程式跑車一樣。車尾方面，則有一組四出的排氣喉，車底全部封密，在車底製造和F1一樣的負壓氣流，高速行駛時可以吸着車身。車廂方面，亦有一台源自F1改良嘅六前速半自動排檔。XF10軚環是類似F1的倒三點式，左右手指位有+/-的轉檔按鈕。