蔡素玉同曾鈺成真係歡喜冤家，噚日民建聯同葉澍堃約埋去黃大仙飲茶，蔡小姐一坐低，見到酒樓為咗衞生而改用即棄木筷子，不知幾勞氣，因為斬咗好多樹，堆填區壓力又大咗，同枱嘅酒樓老闆都有啲尷尬。曾主席惟有幫口，用普通筷子要洗嘛！點知蔡小姐更加嘮嘈，佢力薦大家用鐵筷子，又易洗，又乾淨。
其實蔡小姐不必咁動氣。佢噚日戴住條佛珠去飲茶，原來佢五、六年前已經皈依普陀山妙善法師，法號「覺祥」，法師賜佢呢個名，就係想佢心平氣和。曾主席就不知幾高興，着住件FilaT恤四圍同人講係囡囡送嘅。
（圖）法號「覺祥」嘅蔡素玉（右）戴住串佛珠都唔覺祥和，猛話用木筷子唔啱。
傳真︰2623-9278
電郵︰