非典型肺炎令港人人心惶惶，昨日適逢佛誕，一班佛教界人士於維園舉行「萬眾祈福顯祥和嘉年華」，更請來大師進行浴佛儀式。身為國際佛光會香港副會長的鄺美雲，除與到來的數百位善信齊為香港祈福外，更即場向信眾和藝人派發防炎包。
鄺美雲、顧紀筠、麥浚龍（Juno）、馬浚偉、Boy'Z及關心妍等昨日出席維多利亞公園舉行的「萬眾祈福顯祥和嘉年華」。在非典型肺炎肆虐下，昨日吸引大批信眾前來齊為香港祈福，身為國際佛光會香港副會長的鄺美雲，表示去年的佛誕祈福會，已故藝人羅文亦有前來。
鄺美雲感慨地說：「上年籮記（羅文）都有嚟祈福，佢向來都做好多善事，我相信佢已經去咗一個好好嘅地方。」
對於有報道指全球最大規模的美國拉斯維加斯珠寶展的主辦單位，因非典型肺炎對香港參展商作出隔離安排，只能在展覽館附近停車場臨時搭建帳棚，作為港商展覽館場址。從事珠寶工作的鄺美雲說：「其實好多嘢可以緩衝吓，可以畀港人做健康檢查，咁樣只會係一種歧視。
「喺停車場做展覽太危險，以前香港做展覽保安咁嚴密都成日唔見嘢，所以真係好危險。呢件事對我冇乜影響，因為我只係做本地，唔係做批發，所以唔需要去冒險。」
此外，有報道指Juno的父親麥紹棠因對環球唱片公司不滿，故令Juno慘遭公司雪藏，Juno對此說：「都有聽過呢啲傳聞，我唔想再有任何嘢誣衊我爹哋。佢做生意我係藝人，大家做嘅範疇都唔同，咁樣好唔公平，我對公司好有信心，工作都鋪排好，我只會做自己本份。」
採訪：王崇穎
攝影：甄朝健
