財爺梁錦松加稅之前偷步買車嘅醜聞，引起好多社會人士不滿，指其誠信掃地，唔應該繼續擔任財政司司長一職。不過，曹操都有知心友，阿松個老友、電盈副主席張永霖噚日就同佢講好說話，認為阿松喺事件中有好大疏忽，若果佢有心瞞騙，首先就唔會大搖大擺咁同老婆一齊去買車，更可以索性唔加汽車稅。佢話阿松呢兩個月都好慘，希望佢繼續加油：「梁錦松加油，張永霖支持你。」
八方好奇，問張永霖點睇「誠信」，佢話誠信好重要，但有時疏忽會影響到誠信。媒介報道時應衡量整件事嘅發展，唔好以偏概全。睇嚟香港好多媒介都「英雄所見略同」，所以將立法會動議對阿松投不信任票段新聞有咁細做到咁細。
傳真︰2623-9278
電郵︰