女子組合MiniCookies早前因改組停工兩個多月，收入大減，日前她們到銅鑼灣逛街，在十蚊店內狂掃消毒濕紙巾，四餅女齊齊做慳妹。
四人女子組合MiniCookies的Stephy、Theresa、Kary和Miki，早前因改組暫停工作兩個多月，加上非典型肺炎肆虐，工作量大受影響，四人現時也不敢胡亂花錢。
日前四餅女趁空逛銅鑼灣，在大型十蚊店逛了十多分鐘，不時駐足在消毒用品及家居用品的貨架前，其中年僅十六歲的Kary更踏着購物車滑來滑去。四餅女想買可愛的沐浴海綿公仔，但商討後每人各買一包十元的消毒濕紙巾便離開，隨後她們又到唱片店和寵物店逛。
事後問MiniCookies停工一段日子，會否入不敷支？她們說：「之前我哋做嘢都有剩啲錢，夠使咪得囉，不過呢排買消毒藥水、買口罩都使咗唔少錢。」
Stephy和Theresa最近忙拍無綫新劇《戀愛自由式》，平日開工二人穿戲服多，省回不少。
而不用拍劇的Miki則說：「我都唔出街嘅，成日喺屋企彈琴、打吓機，唔使用錢。」至於Kary，她說：「我重返緊學，食晏晝飯都係預先畀晒一個月錢先，唔使帶錢返學㗎。」
此外MiniCookies、鄧健泓和E-Kids昨日在屯門出席商場活動，Theresa表示前日拍劇時差啲遇溺，她說：「喺泳池拍場跳落水戲，可能着住牛仔褲，搞到我踩唔到水沉落池底，好彩蕭正楠救我，佢成為我心中嘅大英雄。」
採訪：朱芷瑩 攝影：仇志德