五年前織田裕二飾演嘅探員青島，喺電影《跳躍大搜查線》入面俾個師奶拮到成身血嘅一場煞科戲，到𠵱家唔少人重為之津津樂道。但估唔到現時重拍緊嘅續集《跳躍大搜查線~封鎖彩虹橋》，居然完全食番老本，織田臨尾又係俾人搞到成身血，生死未卜。雖然橋段似，但織田話有信心票房好過第一集喎。