「阿旺」郭晉安日前往順德舉行簽名會，吸引數百市民圍觀。阿旺在沒做防炎措施下，照樣近距離與市民握手影相。簽名會結束後，阿旺狂噴消毒劑抹手抹臉，以防感染病毒。
郭晉安日前往順德，為內地金榜豪庭樓盤舉行簽名會，雖然內地非典型肺炎疫情嚴重，但阿旺仍冇有怕，在沒有戴口罩和手套的情況下，與數百市民作近距離接觸，既握手又合照，令巿民開心不已。
其實主辦單位為安全起見，特製一張大簽名枱，好讓阿旺簽名時，能與fans保持距離，不過阿旺表示因市民太興奮，竟自行跑到枱後跟他合照。
問阿旺會否擔心因此沾了飛沫？他日前在電話中笑說：「啲人太興奮，一路講一路企喺我後面影相，猛話影近啲、企埋啲啦，都冇法㗎，所以簽名會完咗之後，我即刻攞消毒劑噴臉同噴頸。」
今次阿旺出席人群聚集的活動，未知他會否擔心感染病毒？阿旺說：「我有帶消毒紙巾同口罩，但嗰邊都冇人戴口罩，得我一個戴又好似好奇怪。我主觀咁諗，自己戴口罩會唔會有啲過份呢？其實佢哋會驚過我，因為香港有醫護人員中招，日日又公布染病數字，雖然人數減少咗，但香港因為咁已經知名啦，我重邊有資格太過預防人哋喎。我哋入境check過晒身體，知道自己係冇事嘅，但啲人迫入嚟，我戥佢哋高危擔心㗎。」
此外，阿旺坦言因非典型肺炎問題而要延遲內地工作，掘金機會亦受影響，而他拍竣劇集《美麗在望》後，本計劃出外旅行，惜現時港人出入外地有所限制，故他只好留在家中搞好音響，將屋企變為卡拉OK房來消閒。
採訪：朱芷瑩
