財爺逃過立法會嘅不信任動議，惟香港汽車業卻避不開汽車首次登記稅苛徵嘅厄運。繼有汽車代理精簡人手減少陳列室數目以降低開支外。近日有傳負責愛快、林寶堅尼同蓮花跑車代理事宜嘅EddieWong萌生去意，重向總舵手嘅NeoWong請辭㖭！及後，亞Mark跟當事人傾過此事，佢話近月新車買賣直跌谷底，單係林寶堅尼Murcielago跑車新稅制下車價，更要調升至接近400萬，而Gallardo起初定價不過220萬左右，𠵱家估計要成300萬上落，令不少車迷望而卻步。Eddie話為咗要跟公司共同度過困難，遲吓佢會轉任公司顧問，以減低公司日常嘅營運開支，對於香港汽車前景，佢就無阿松咁樂觀，等阿松重話諗住多收七億喎！咦，亞Mrak唔記得咗𠵱家高官係唔使問責㖭！