放分手煙幕　免斷財路？
Rosemary母證實女兒玩地下情

有報道指混血名模Rosemary和男友Gordan早前高調公開分手消息，但其實是女方母親Julie允許二人發展，但條件是要他們轉為地下情，所以Rosemary對外強調感情空白。

名模Rosemary及母親Julie、張同祖、新人傅嘉莉和吳慧冰及楊婉儀夫婦等，前晚在灣仔會展出席電影《基本懸兇》首映禮。
Rosemary早前公開表示跟男友Gordan已分手，但近日卻有報道指她與Gordan並沒有分手，只是Rosemary母親Julie與女兒約定，讓二人發展，條件是要他們轉為地下情。

「不嬲叫佢低調」
昨日Rosemary對有關報道堅決地說：「我同Gordan已分手，冇再掛住佢，亦唔想提佢個名。暫時冇人約我去街，我要專注工作。」而其母Julie則說：「我好耐冇睇雜誌，唔知邊篇報道，Rosemary應該同佢（指Gordan）冇聯絡，個女都要做嘢，工作還工作。」
問Julie是否贊成女兒低調處理感情事，她說：「我不嬲叫佢低調啲，做乜咁高姿態啫。」問Julie是否支持女兒發展地下情，她說：「咁梗係地下情好啲啦。」

楊婉儀增磅
而楊婉儀和夫婿王瑞勳拍拖往看電影，她表示自己與丈夫婚後都分別增了三磅，楊婉儀說：「我有跟奶奶學煮飯，要做好新抱嘛。」
此外，演藝界近日積極籌備抗炎活動「1:99大行動」，張同祖說：「『1:99』個名係王家衞改，『１』係一條心嘅意思，而『99』就係無限支持。」
採訪：馮美茵
攝影：林德雄