美容扮靚絕對係各師各法，茶包敷眼、綁手指減肥、食辣椒消脂……。不過擁有白滑皮膚的張燊悅Nicola，自小媽咪就教她多食飯可以令皮膚白滑，令她到現在每餐依然無飯不歡；又試過小時候以為用衫夾夾腳會令小腿纖瘦。今日Nicola經已大個女，不但會同媽咪分享美容心得，更不時齊齊試新產品。女人貪靚的天性，原來可以令兩母女的感情大增兼無代溝。
記者：羅惠芬、梁佩瑜 攝影：林栢鈞 化妝：Emma
髮型：Ling(Tete) 服裝提供：Esprit 場地提供：Q8
逢星期一至三、五刊出
「以前媽咪話食多啲飯，皮膚先會又白又滑，我細個當然信啦！」Nicola一家是上海人，皮膚天生白滑，不過唔知係真有其事，抑或張媽媽想𠱁小朋友食飯，此言一出，貪靚的Nicola當然當飯是寶物，直至現在每餐都要食上幾口。
不過現因工作關係，好易曬黑，所以Nicola會好留意市面的美白產品。「好多人美白時會忽略頸部，搞到出現面同頸兩截色，所以要記住面和頸都要一齊搽先啱。」
Nicola話媽咪手腳及身體的皮膚比她更好，因為媽咪每晚都會搽Lotion，但塊面皮膚則很差。「我同媽咪研究過，可能係佢從來唔化妝，少咗保護層，所以唔能夠防止太陽及污染物的傷害。」
雖然兩母女同樣愛護膚，但今年的母親節，Nicola則想送一個可以掛在身上的空氣淨化機給媽咪，令她出街可以更安全。
大部份護膚品，Nicola與母親會一齊用，其中有一支Mask是兩母女的至愛。「媽咪最鍾意用SK-II的AquaPack，尤其是搭長途機，我同媽咪都會敷佢。機艙好乾，呢隻Mask可以補水，而且顏色透明，敷上面都唔會咁尷尬。」
身高只得163厘米的Nicola，雖然沒有40吋以上的長腿，不過由於身形夠Fit，所以雙腿也顯得特別纖長。可是Nicola還未滿意，最誇張試過用衫夾夾小腿，希望「夾出瘦腳」來；得閒重會用浴鹽加溫水浸腳，幫助肌肉Relax。
想瘦腳，張燊悅還有幾個貼士：「一係少吃鹹味食物，因為鹽份會令身體儲水，造成水腫現象。二係少食消夜，卡路里少啲，對腳都無咁易肥。」
化妝方面，她的DollyLook應該是最令人印象深刻，由眼影、胭脂到唇彩，一律粉紅。「自己亦最偏好粉紅色的化妝品，因為我皮膚白，襯粉紅有白裏透紅的感覺，效果自然。」
她還醒大家一個化妝貼士：「想個妝又貼又持久，一定要揀隻水份重的Foundation，IPSA的粉底水份充足，係我最常用的粉底。」
AnnaSui 31079120
SK-Ⅱ 28342166