問責局長有時公私不分，未必係壞事，好似經濟發展及勞工局局長葉澍堃，在公要睇住香港經濟，於是在私日日自掏腰包出街食飯，有時重食足三餐，酒樓、酒店、茶餐廳、齋舖都去勻。
最開心都係葉太，唔係因為老公出街食飯唔使佢洗碗，而係局長噚日同記者呻，老婆為響應刺激經濟，就順理成章去shopping，之後當然係老公畀錢。
葉局長除咗識食飯shopping，重會陪個仔去唱K。咁局長去開邊間K？佢故弄玄虛，只透露間K個名不多於五個英文字母，重話個私家咪套同洗手間都好乾淨。原來局長係去V-Mix，咁咪即係同「神童」鄺其志喜好一樣？
呢排高官頻頻出街消費刺激經濟，好似王永平咁，上周六就一家大細去中環鴻星飲茶。
傳真︰2623-9278
電郵︰