媽媽的偉大不用多言人人皆知，身為子女理所當然要盡孝義。尤其是當媽媽有病更加要好好對待她，讀者Coty的媽媽不幸患上心臟病，短短一個月內體重下跌近20磅，眼見媽媽日漸消瘦，Coty不惜辭工盡心盡力照顧媽媽，更為了重振媽媽的食慾，絞盡腦汁度身訂做兩款合適的有營餐餸菜，利用水果入饌，更將豆漿變為湯羹，成功誘發媽媽再次有食慾。
記者：陳冰麗 攝影：伍慶泉
逢星期一至三、五刊出
全靠乖女我至可以回復昔日體重，佢好有耐性及細心，煮啲菜式又啱我口味，唔係我又點會食，最近我至食過鴕鳥肉，原來咁好味，肉嫩又帶鮮味，聽講佢低脂，老人家都啱食。
與Coty相識十多年的好友，在Coty無助時，在其背後支持她。阿荷謙虛表示自己並無做些甚麼，只是間中到其家陪伴伯母聊天及幫手買餸。阿荷表示見到好友盡心盡力去照顧媽媽，在旁見到也為之感動，身為好友又豈能坐視不理。
據Coty講年邁七十多歲的母親上個月因心臟病發而要入院留醫，雖然經醫生診斷後並無大礙，但回家後身體狀況大不如前，食慾不再，體重即由一百一十磅下降至九十磅。
眼見媽媽一下子瘦了這麼多，Coty痛心得徹夜難眠，甚至瑟縮一角飲泣，回想當時母親的體形時亦眼濕濕：「嗰時自己真係好擔心，都唔知點算好，好在有朋友背後支持，個心先至定一定！」為了照顧媽媽的起居飲食，Coty更索性辭去酒樓工作。
Coty又說：「一向食開濃味嘅嘢，突然間要佢戒口都好難適應。」無意中嘗試以鴕鳥肉配水果入饌，菜式清爽，味道又不致於太寡，結果成功吸引到媽媽有番食慾，見到媽媽再次進食，Coty坦言比中獎更為高興。
除了考慮菜式要有營養、低脂又不寡味外，另一要考慮的是要易消化，自創的鹹豆漿魚肉羹就集齊以上優點，以豆漿做湯羹，Coty話媽媽一試即愛上。拍攝當日，見Coty媽媽胃口頗佳，且面色紅潤，與她閒談時更覺她老如松柏。
Coty本身好鍾意飲豆漿，但只會飲自製的，認為真材實料，營養足夠，所以平日都會自製一大煲放雪櫃內，並每日一杯作為保健養生法。媽媽因為不好甜或無味豆漿，Coty就順理成章利用豆漿做湯羹，並以鹹食法去取替一般的甜飲法，配以營養高、又易消化的豆腐、鯪魚肉、甘笋一同去煲以誘發媽媽食慾。
黃豆 2両
豆腐 1磚
鯪魚肉 6両
甘笋 1/2個
芫荽少許
胡椒粉、油、糖各少許
Coty表示病愈後的媽媽體質好虛弱，本想每日燉牛肉給予她進補，然而媽媽都不願吃，Coty前後試過好多方法，為的也是希望令媽媽有番食慾。一次到街市買餸，見鴕鳥肉幾靚，而且低脂又高營養，就即管買了一些返去嘗試炒給媽媽一試，估不到這一次的炒鴕鳥肉竟吸引到媽媽動「筷」去夾食，而且食完一件又一件。
鴕鳥肉 10安士
奇異果 2個
火龍果 1個
豉油、胡椒粉、油及生粉各少許
Coty比較喜歡到街市買餸，始終價錢較實惠。而住在柴灣的Coty，首選柴灣及小西灣街市。
柴灣街市選擇多元化，質素較高，Coty話買鴕鳥肉亦最好到柴灣街市，急凍的鴕鳥肉解凍後紋理清晰，每磅只需$20。
至於小西灣街市，則勝在價錢大眾化，檔主夠老實。