電腦結合影音功能已屬大勢所趨，最新潮流係連芒都要走AV路線。繼蘋果PowerBook及BenQ大玩闊屏幕手提電腦後，估唔到連LCD都向WideScreen發展。晶彩呢款N779WVLCD不但具有16:9特色，而且連逐行掃描、色差輸入及畫中畫都有齊。讀者只需完成今日嘅「邏輯數字方塊」圖案，就有機會免費攞到呢部高質素LCD。
記者、攝影：徐影龍 ImageGirl：Crystal
逢星期一至五刊出
晶彩呢款17"闊屏幕LCD（N779WV），採用日本特製之顯示Panel，專為AV用途而設計，效果比一般LCD更為出色。加上內置LSI解碼晶片，能將色差輸入之訊號，直接由LSI解碼晶片處理，大幅提升清晰度之餘，亦減少其他LCD最常見之暗位噪訊情況。除畫面出色外，N779WV亦具有不少高階嘅電視功能，如提升顯示畫面質素嘅逐行掃描（ProgressiveScan）、PIP畫中畫功能等，電腦芒搖身一變成16:9靚電視，而且有齊色差、D-Sub、S-Video等插頭，除電腦外亦可接駁DVD機或遊戲機，欣賞大電影同打機都咁舒適。N779WV最高解像度支援WXGA，最高可達1,280×768，對於電腦使用亦好方便，如多頁文書處理、特大圖像甚至多程式同時運行等。
倍線王系列喺外置式TV-Box中頗為聞名，最新搞作係向潮流新貴Plasma埋手，推出專用之倍線王。其中型號為VTP1024PRO之倍線王，重點針對768、600及480三種最流行之垂直線數，各自設有獨立伽瑪數值及解像度精調，直接提升畫面質素。針對平價PlasmaContrast不足、畫面帶灰之弱點，加入BackLevel設定及各種色彩曲線，令低價Plasma都有好表現。VTP1024PRO除全自動追台功能外，對各項視訊來源亦會自動調校影像數值，兼且具有記憶功能，免除每次調校之麻煩。插頭方面，除普通VGA、Composite外，更設有色差、DVI等高階輸出插頭，啱晒對畫面有要求之用家。
睇完介紹係咪對部17"AV芒同倍線王有興趣呢？想免費攞走咁正嘅獎品，咁就要考吓你嘅智慧喇！讀者只需動吓腦筋玩呢個日本大熱嘅「數字邏輯方塊」，推算出圖中到底係咩東東，再填妥參加表格Fax過嚟，就有機會免費攞走個芒或者倍線王，重有安慰獎十名，可得可愛熊仔一隻。
方格之橫、直數字提示，代表該列方格填上顏色的方格排列次序，不過着色方格之間相差幾多空格，則由讀者推斷，完成後就會顯示一幅圖案。
1.參加者須將答案填妥在參加表格內，並聯同個人資料*，傳真至23075869?27420542，即有機會獲獎。
2.遊戲時間為今日早上10:00至下午5:00，過早或逾時均作廢。每人只限參加一次，每次只可傳真一張表格，多過一張者只以第一張作準。
3.答中所有問題而又最早傳真**的1位參加者，可得晶彩17"AV芒，第2位可得Plasma麗音倍線王，第3至12位可得熊仔。如沒有參加者答中全部問題，則以答案最接近及傳真時間**最早者可獲獎。
4.得獎者將有專人以電話通知。
5.《蘋果日報》及通絡國際員工、家屬均不得參加是次遊戲。
6.《蘋果日報》對賽果保留最終決定權，參加者不得異議。
*參加者必須填上身份證上的姓名，否則將被取消資格。
**以本報傳真機內所顯示的時間作準。
‧必須憑報紙上的參加表格才可以參加遊戲。