近排，東瀛暴走族風吹遍成個MPV市場，而新引入嘅呢部豐田Alphard豪華多用途車，唔單止Dressup予人煥然一新感覺，車廂內置有多項高級裝備之餘，佢重率先引入咗𠵱家最In嘅7.1VersionAV系統，又豈止一部豪華MPV咁簡單呢！
記者、攝影：陳偉林
新車售價：479,000
車輛提供：富利堡汽車（28776700）
逢星期一至日刊出
查實，呢部豐田新版Alphard7.1Version，可以講裏外兼備，造型一身東瀛暴走族包裝，既有全新前後包圍連氣霸，又有7000kHID大燈、17吋合金胎軨、設有方向燈嘅門邊鏡、尾翼，加上一套TRD避震，車身遠看有貼地感，令外形更具霸氣。
講到座艙，三排七座位配以高級真皮座椅，予人貼服舒適外，重設有獨立頭枕同手枕組合。除電窗、電動中趟門同尾門配搭，又有大型電天窗、原廠恒溫冷氣同獨立房燈及送風口㗎！
然而，至吸引人莫過於一套七個喇叭同重低音嘅7.1VersionAV系統，觀看附有環迴立體聲音效嘅影片，現場感重會非常逼真㖭！
新車屬頂級3.0公升V6偈配搭，馬力和扭力輸出足夠之餘，四輪重裝有加大碼17吋合金胎軨，重有TRD避震配搭；這套懸掛不失Alphard本身乘坐感之餘，循迹性較之前穩定踏實，而四輪碟煞，另加有ABS連EBD裝置，還給人有收放自如的感覺㖭！
如果大家有玩開音響，都知現時至普及係5.1Version；然而，呢部Alphard卻裝有至新又In嘅7.1VersionAV系統。除前後三對高低音喇叭，重有擴音器連重低音，當然至緊要係Panasonic頂級7.1Version嘅數碼音響處理器跟Crossover交流器啦！還有10.4吋屏幕同紅外線耳筒組合。
5 時款附有方向燈嘅門邊電鏡，格外傳神吸引。
6 高置有尾定翼連High-mount煞車燈，倍添多一份動感。
7 大型一體式尾泵把，透現有粗獷美。