一直予人長賣長有兼且長青不老嘅豐田Estima（即港版Previa）車系，不愧係MPV車中典範，不僅用途多多兼客量又高，而且原廠配套設備重推陳出新㖭！
最近，日本重替Estima推出，Facelifted新版，換裝上一體式三盞獨立頭燈外，重有特軟車頭泵把選擇，而車尾燈更用上現今至In嘅多盞豐田燈組合，予人看來格外奪目吸引㗎！至於車廂鋪排大致相若，惟新加入Sport版嘅Estima，除備有三幅式跑車軚環外，重有4前速半自動波按鍵配搭。引擎方面，新款Estima會沿用一台2.4公升直4DOHC偈，以及頂級3.0公升V6DOHC型號。
據知，香港豐田代理亦於今日同步推出PreviaFacelifted新版，除頭尾燈換上新設計外，車廂配套亦較前增益不少，有興趣嘅車迷，就記得落Showroom睇吓嘞！