最近花園街一間老字號嘅日本料理餐廳，捨棄了多年行高格調路線的形象，大刀闊斧以平民化日本食品作招徠，店內大部份拉麵都係10蚊，大大碗，包飽肚！
記者：何善華
攝影：周旭文
呢排去到旺角、銅鑼灣一帶，都會見到好多平到笑嘅食店，好似20蚊碟小菜、一蚊一隻雞負責人李邦表示將食店嘅形象徹底改變，背後花了不少心機去說服股東和業主。「雖然10蚊一碗拉麵唔係賺到好多錢，但總好過無人流，薄利多銷始終係最實際。」兩個月前在一班股東勉強支持下，平價日本美食終於面世！皇天不負有心人，李邦話𠵱家每個月都有錢賺，重比以前賺多一成！
今年44歲嘅李邦話呢間食店自開張以來，喺旺角已經有九年歷史，是當時旺角區首間經歷日本料理的食店，走高格調路線。
「以前門口有塊落地大玻璃、店內嘅酒吧枱係高級雲石，高峯期每日賺約3萬蚊，但近幾年生意下滑，由幾間分店打回原形，𠵱家全部生意集中喺旺角。所以孤注一擲，將門口改成開放式，親民一啲嘛！」
店外的海報註明「由朝拉到晚．10蚊拉麵任揀」，吸引不少途人駐步留意，採訪期間亦有不少客人出出入入，「薄利多銷」果然有其箇中道理。李邦話雖然𠵱家餐廳以平價作招徠，但食物材料同工夫絕對沒有偷減，湯底依舊用上九州湯底，童叟無欺。此外，李邦更創製出數款日本小食，各有特色之餘亦不花巧，都係以平價為主。記者亦忍不住試試吉田嘅10蚊拉麵，發覺十一款中的其中五碗拉麵最抵食，值得向讀者推介。
防炎絕招！
問到食店有沒有加強衞生，李邦不諱言表示日本食品一向注重清潔衞生，除了規定員工要佩戴口罩外，店內亦不時消毒清潔，令顧客食得安心又放心。
男士喜歡大大啖食牛腩，女士們則愛牛腩的肥肉隔開，但吉田嘅和風牛腩肥瘦參半，口味自然更大眾化。
一咬塊牛𦟌就覺得牛筋油與牛肉互滲的混合口感，此時再夾麵食，帶有五香味的湯底令麵條變得更易入口。
一食落口就知牛肉唔係平價貨，牛肉絲幼嫩易入口，肥瘦肉均勻，鮮牛肉配搭九州湯底，是小記最鍾意一款。
小記一向唔鍾意食辣，以為經過湯底中和辣肉的鮮辣味會容易入口，但辣肉嘅辣味依然未散，是嗜辣者必選！
經烤煎的餃子放進湯底後，減少油膩感，但餃子表層依舊保持鬆脆可口，最難得的是餃子內依然保留着肉汁。
其他抵食推介
出面食日本火鍋定食至少都要50蚊埋單，但吉田嘅特價鍋物平之餘重包埋小食、白飯同味噌湯，試過都覺得同其他貴價日本餐廳沒有太大分別。材料十足，慢慢食起碼要半個鐘頭。負責人李邦話呢款火鍋定食係食店最熱賣的套餐。
任揀四款心水選擇
吉田重有唔少由李生親自炮製的日本小食，例如9蚊有4件嘅炸春卷或兩隻炸蟹箝，但小記較鍾情於雜錦刺身套餐，套餐包括任選4款刺身，可配飯、麵或烏冬，兼另送冷飲一杯，亦都只係$58，完全打破「平嘢無好嘢」的舊有觀念！
吉田日本茶餐廳
地址：旺角花園街1號
電話：23322103
營業時間：10:00am-12:00mn