最近有報道指黎明因不滿拍攝《無間道Ⅲ終極無間》片酬低及被安排做奸角而發火，有份主演該片的黃秋生，前晚出席新片《給他們一個機會》首映禮時，力撐黎明，指報道無稽，並認為會影響黎明的聲譽。
黃秋生前晚到香港會議展覽中心出席電影《給他們一個機會》的首映禮，其他到場的演員包括許志安、新人鄧肇欣及張穎康等。
日前有報道指《無間道Ⅲ終極無間》主角之一的黎明，與梁朝偉及劉德華不和，開會時當眾發火，不滿自己要做奸角及人工較低，要求增加戲份及片酬，更隨時有可能罷拍《無間道Ⅲ》，不過黃秋生卻認為上述報道無稽。
黃秋生說：「片酬梗係傾好先埋位，而且係經理人傾嘅，個個都傾片酬嘅啦，唔畀錢邊個肯拍呀，有呢啲傳聞好奇怪。至於話爭戲，劇本都未出邊有得爭？點計先？逐頁計定逐個字計先，傳出嚟嗰個人都儍嘅，不過唔係咁講就冇得寫，但咁樣會影響人哋聲譽嘛。」
而《無間道Ⅲ》片導演劉偉強昨日接受本報電話訪問，被問到有周刊指梁朝偉和劉德華有五百萬片酬，相反黎明只得八十萬片酬一事，他回應說：「黐線，不如話個個都有三千萬片酬！」至於有報道指黎明及鄭秀文罷拍，劉偉強說：「呢啲唔使回應，大家到時睇戲啦，我全力拍好呢部戲，我同所有演員都傾得好好，合作愉快，根本冇咁嘅事。」
此外，前晚許志安透露屋企正在裝修，他說：「因為我爹哋行動唔方便，我入紙申請喺主力牆度加道門，方便佢出入，等咗兩個月終於批咗，我諗住喺每間房都整個救命鐘，今次裝修改動咗三次，要用幾多錢未計好。風水師傅話我間屋旺丁又旺財，所以我以後都唔會搬。我本來想將間屋整得有型有格，但阿爸鍾意中式擺設，所以只得我間房夠型，其他就中西合璧。」
而新人鄧肇欣和張穎康前晚表示和許志安合作很開心，安仔不時指導兩人，其中鄧肇欣更專程由荷蘭返港出席首映，她認為戲中的一場跳舞戲十分難忘。
採訪：魯萍、馮美茵 攝影：陳偉權
