一眾車迷期待已久嘅新版愛快GTV及Spider，將會響今個月正式推出，新車無論造型抑或係性能表現，都予人有耳目一新之感，一齊嚟先睹為快啦！
新版愛快GTV及Spider造型更見流線型，加上經過改動嘅頭燈及鬼面罩，以及響一套16吋合金跑車胎軨襯托下，當中用上開篷設計嘅Spider，更散發出一陣陣拉丁跑車味道㖭！廠方亦有為車廂作出多項改良，例如用上較舊型號低矮嘅駕駛席，從而為駕駛者帶來更舒適嘅駕駛環境，再加上全新中控台及表板布局等等，全都予人有耳目一新之感。
新車提供有多台引擎供選擇，2.0T.Spark（150匹）、2.0JTS（165匹）及頂級版3.2V6引擎（240匹），定能迎合不同用家嘅要求。有興趣嘅朋友，就要留意新車在港嘅推出日期喇！