林鄭月娥、「任關佩英」同李麗娟又一齊亮相，唔通呢班陳太舊馬房嘅「手袋黨」約埋敍舊？「任關」退休時已將招牌髮型「冬菇頭」改成清爽短髮，噚日八方竟然又見到任關「冬菇頭」重現。
睇真啲，呢位並非「鐵蝴蝶」任關，而係萬寧大中華區行政總裁麥瑞瓊，因為萬寧同3i藥業合作義賣消毒紙巾，噚日率先捐出一百萬予四位女高官發起嘅「護幼教育基金」，希望幫助因「沙士」而失去父或母嘅小朋友。
麥瑞瓊同任關嘅相似程度，連同任關相識多年嘅「媽打」李麗娟都話好難分，話「每次見親你，都以為係LilyYam（任關英文名）」。
（圖）麥瑞瓊（左）將支票交畀林鄭月娥（後排右二）同李麗娟（後排左二）。
傳真︰2623-9278
電郵︰