日子難過都要過,可能經已成為現今香港人嘅座右銘,而最令亞Mark開心嘅係,於上周抵港,作巡迴展出嘅全新萬事得RX-8跑車,竟然出乎亞Mark同代理嘅意料之外,前去MazdaCentre參觀嘅車迷絡繹不絕,再者代理重收到唔少對RX-8嘅查詢電話同落定㖭!
有見及此,代理即時向車廠反映,最後重得到首肯,畀部RX-8多留香港至今個月18日;若然重未有時間去位處葵涌MazdaCentre,近距離睇吓呢部全新意念設計嘅新一代跑王的話,就真係唔好錯過今次最後機會嘞!到時RX-8運咗去下一個展出嘅新西蘭,你想睇都無咁容易㗎!