六十二歲的郝伯，連月來飽受廚房、廁所滲漏之苦，生活大受影響。「廁所洗手盆個水龍頭不斷咁滴水，要用水桶接住，搞到𠵱家我都唔敢開嚟用，刷牙、洗面都要去廚房，不過，廚房都好唔得幾多，個水龍頭一樣要用膠紙包住先用到。」郝伯一臉懊惱地說。
郝伯長期患有肺氣腫，須經常使用支氣管擴張劑來紓緩病情，現獨居於房屋署轄下的長者屋。「有咗呢個病大大話話有十幾年，不過近幾年愈來愈嚴重，講嘢耐啲，行多幾步都氣喘，乜都做唔到。」
一生傳奇的郝伯，台灣大學畢業，曾執教鞭，亦從事過銀行、報館、金融機構等多個行業，可惜最終不幸因生意失敗而傾家蕩產，婚姻亦告破裂，孑然一身的郝伯曾一度棲身板間房，並在麻雀館工作維生，直至三年前一場大病才被迫退休，獲房屋署恩恤安置，目前靠領取綜援金生活。
往事不堪回首，郝伯表示，現時節衣縮食也能勉強過活，只是遇上突如其來的開支，他便無法應付。「好似𠵱家屋企水喉壞咗，房屋署唔幫我整，要我自己負責，我根本應付唔到；老實講，我份綜援每日得七十幾蚊，伙食、雜費全部包晒裏面，試問我重邊有多餘錢吖。」
蘋果日報慈善基金了解到郝伯的需要，已將其個案轉介聖雅各福群會家居維修隊跟進，並負擔有關的維修費用。
捐款編號：C092
暖流熱線
電話:29908688
傳真:23702192
電郵:
網址：