東華三院昨日於尖沙嘴美麗華酒店舉行午宴，由應屆主席楊超成講述今年東華的發展方向，楊超成說：「針對非典型肺炎，我哋會製造一啲中藥包，送畀前線醫護人員。」
楊超成續說：「而我哋其中一個總理陳宇齡嘅『農本方』全電腦中醫臨床管理系統，都捐出一批抗炎產品，我哋重請咗Twins遲啲去中學派發抗炎物品㖭。」
問楊超成有沒有試過服用中藥包，他說：「呢個中藥包全個療程要服二十二劑，我自己就服完啦，味道當然係唔好啦，不過苦口良藥嘛，我屋企上上下下嘅人都有服用中藥包增強抵抗力。」
非典型肺炎肆虐，問楊超成今年籌款目標會否受影響？他說：「一定會啦，我哋有幾個籌款活動都因為咁延遲，不過目前最緊要都係控制疫情。」
採訪、攝影：JessicaNgan