自己煮：
妙芝推介燕窩入饌家常蒸蛋勁滑

《本草綱目》記載，燕窩入肺生氣、入腎滋水、入胃補脾、補而不燥。難怪名模歐陽妙芝都大讚：「食咗燕窩之後皮膚有彈性又有光澤。」自言沒太多時間燉燕窩的她，也有食即食燕窩，今日還以即食燕窩示範幾道特色菜。妙芝還表示：「我覺得食即食燕窩都好有效。」

記者：吳佩璇　攝影：陳陶鈞
鳴謝：官燕棧（旺角彌敦道610號荷李活商業中心1806室　23906668）

養顏有術　早晚食燕窩
要以靚樣示人的歐陽妙芝，也曾自己燉燕窩，早晚空肚吃一羹，維持了好幾個月：「我有氣管敏感，臨瞓前成日都有痰，食咗之後氣管順咗。」但由於花不起那麼多時間燉燕窩，之後改吃即食燕窩，持續半年，皮膚及精神都處於更佳狀態。

多喝湯水夠滋潤
除了食燕窩，妙芝的駐顏飲食習慣是早、午餐正常份量，但晚餐要吃得少。同時要多飲湯水才夠滋潤，拿手好戲是青紅蘿蔔湯及蘋果雪梨湯。「我7點就食晚飯，有時淨係飲碗湯。因為夜晚食得太多會冇時間消化。」另外，妙芝的哥哥因有輕微糖尿，故她也會很留意健康食品，並推介黃豆粉：「我會當開水飲，都飲咗成年，皮膚好咗，免疫力又強咗。」

食燕窩小貼士
1.好多人食燕窩時會攪勻，尤其是吃即食燕窩，但其實這是錯誤的，要一匙羹𢳂起就食。
2.早上空肚食一羹就可以。想加促療效則可早、晚都吃。
3.持續吃3個月後，宜停食1個月，讓身體有時間吸收，然後再循環吃3個月、停1個月。
4.官燕棧新出的即食燕窩，有純味及冰糖兩種味道。乃首項同類型產品獲優質認可「正」印。（原價$388/150克，特價$298/150克）

補血養顏　燕窩紅棗茶
除了跟各式餸菜入饌，燕窩其實也好適合調配飲料，如果汁、鮮奶等，味道都幾夾。今日妙芝就教大家將燕窩開紅棗茶飲。紅棗補氣血、燕窩夠滋陰，兩者都是養顏最佳材料。

用咩料：
即食純味燕窩2湯匙
紅棗5-6粒、冰糖適量

好易做
紅棗去核洗淨，略浸約半小時。開約2杯水，下紅棗及冰糖煲成紅棗水。最後加入即食燕窩同飲。

健康消暑　燕窩雜果沙律
加入燕窩的雜果沙律，可說升價十倍！而這個沙律的特色是以乳酪及煉奶自調醬汁，更加健康。另建議採用帶甜味的冰糖燕窩，更能配合雜果味道。炎夏食番啖，有益又消暑。

用咩料：
即食冰糖燕窩 2湯匙
無核紅提及青提 各1杯
番茄 1個
青瓜 1個
啤梨 1個
太陽花籽 半杯

醬料：
煉奶 1湯匙
呍呢拿乳酪 1杯

好易做
1.青瓜、番茄、啤梨等蔬果全部切粒及拌勻。以乳酪及煉奶自調沙律醬。
2.加入醬料，將材料撈勻。
3.最後才將冰糖燕窩及太陽花籽鋪在沙律面上。

蛋白質豐富　燕窩三色蛋
根據營養學分析，天然的燕窩主要含有60%的蛋白質。故以三種不同的蛋配合燕窩入饌，是最相得益彰的做法。味道跟一般蒸蛋差不多，但就更香更滑更有營養，撈飯最啱。

用咩料：
即食純味燕窩 2湯匙
雞蛋 2隻
鹹蛋 2隻
皮蛋 2隻

調味：
鹽 適量
太白粉及麻油 各1茶匙
水 3湯匙