如何做到「唔亂使錢」之餘，又買到一份得體兼實用的母親節禮物呢？我諗女人都係離不開手袋皮鞋和首飾，若想平平哋買份女人恩物，就有勞你去開倉點迫一迫，或是到首飾店等一等，刻幾個字；花丁點時間，就可慳番啲錢，兼買到合母親心意的禮物，咪幾好。
記者：楊一凡
攝影：黃子偉、梁細權、陳陶鈞
Image：Kimmy
逢星期一至三刊出
前中後的蛇皮圖案較大亦較深色，這大小和深淺不一的特別效果，令人造的紋路變得天然，這些適合鍾情「皮氣」的婆婆輩媽咪。
襯乜都一流的藍色直條側孭袋，圓形手挽位夠闊身，就算媽咪擁有麒麟臂，都穿得過，孭得穩陣。
以爽脆的蘋果作圖案，淡黃底色襯粉藍蘋果，搶眼得來一點也不刺目，還令人聯想到瓜果熟透的炎炎夏日，一個在手，行到邊都醒神啲。
摸上手非常軟熟的手袋，面頭有對鮮黃比翼齊飛的蝴蝶，讓平實的手袋頓時變得嬌豔欲滴，帶點古典美，若然媽咪是個勁諗舊的人，這無疑是首選。
電話：23441831
地址：觀塘開源道73至75號業發工業大廈第二期六樓G7舖
開倉時間：即日起至5月11日，逢星期一至六12:00nn-8:00pm，星期日12:00nn-6:00pm。
買隻心形合金指環，寫句媽咪我愛你，簡單直接，三十幾蚊，夠晒化算，兼勁有心思，又獨一無二，就算小學生都畀得起。
除了戒指以外，你可選擇銀手鐲、心心鏈、星座鏈等，統統一百蚊有交易。加上即刻即取貨，快捷妥當。
你可親自操「筆」
若果想為媽咪度身訂做一份心意禮物，不妨考慮在首飾上刻字，自覺手字麻麻可勞煩店主出手，皆因他寫慣寫熟，要是你向來都寫得吓，亦可要求自己寫，寫幾多畫到幾密都不另收費用。不過記者即場試用電鑽，發現頗難掌握，話晒隻戒指都有排戴，都係搵店主寫為上策。
電話：21360230
地址：旺角彌敦道580A號周大福商業中心潮流特區201舖
營業時間：1:00pm-11:00pm
夏天一到，媽咪都愛着條短褲或牛記落街，這對彩色的蓆面涼鞋，至襯伯母那親切的街坊裝束。
若然母親大人愛跳社交舞，買呢對涼鞋畀佢實話你醒，事關那排閃呀閃的珠仔，隨舞步及燈影閃爍，在舞池內可發揮搶鏡的作用。
自問已盡孝道，但仍不清楚阿媽的買鞋喜好，不如買些大路款式給她啦，爽健涼鞋款可說是Forever興，不然買多對大扣的牛仔布款，雙管齊下一定中！
電話：27308119
地址：尖沙嘴廣東道2號地下C舖
開倉時間：即日起，每日11:30am-10:30pm。