要睇靚女黑珍珠荷爾芭莉的演出，新近之選當然是剛剛上映的《變種特攻２》，奈何這位暴風女神在戲裏面包到實一實，身邊的男性朋友即時大呼：「咁就無咁吸引喎！」喂喂喂，各位仁兄，演技同劇情先至最重要嘛！不過，若然睇戲以睇靚女為大前提，那麼便一定要重溫《新鐵金剛之不日殺機》，這位邦女郎不單止打得，於戲內穿得非常性感的她當然甚有睇頭，值得一睇再睇。《不日殺機》DVD及VCD剛剛於今個星期推出，特別版DVD有製作過程解構、片頭設計、導演及演員的評述，而且重有呢套戲的主題曲《DieAnotherDay》的MadonnaMV，上次響戲院就未必有得睇。
另外，《鬼潛艇》及《捉智雙雄》呢兩套戲亦於今個星期有碟出，《鬼潛艇》就講一艘要進行打撈任務的潛艇上所發生的怪事，而《捉智雙雄》則有萬人迷里安納度及影帝湯漢斯大鬥演技。占士邦是經典特務片加靚女，《鬼潛艇》就夠驚慄，而《捉智雙雄》就是真人真事改編的FBI與通緝犯的「貓捉老鼠」遊戲，一次過可以煲3種不同類型的戲種。
記者：招佩珊
DVDshelf網址：