𠵱家好多機構喺舉行記者會或採訪活動時，都會大派口罩畀與會嘉賓同採訪嘅記者，但係用到體溫探測機，八方都係噚日先首次見到。究竟係邊個機構咁大陣仗？咪係香港中華總商會囉!
事緣噚日中總舉行支持非典型肺炎研究支票捐贈儀式，分別捐款一百萬元畀中大同港大醫學院。副會長黃宜弘同八方講，部機係問人借嘅，噚日第一次用，無非想大家安全啲喎。
講番捐款，港大校長徐立之教授同中大校長金耀基教授梗係開心啦，金耀基教授重開玩笑話，好多機構都需要捐款，但捐畀兩間大學就包冇錯。
﹙圖﹚中總喺會場外就擺咗部體溫探測機，幫與會者「探熱」。
傳真︰2623-9278
電郵︰