旅遊界、酒店界老友來電要求左丁山多寫兩單關於We咆K同帕鬼輕鉿瘞吽A鼓勵消費，左丁山話：「你哋啲商界做生意推廣啫，理應多賣廣告，益吓傳媒，唔可以同你劏鱔噃！」酒店老友大叫：「大佬，我哋𠵱家邊度有錢賣廣告呀，你拎支AK47衝入我間酒店亂掃，第二日《蘋果》都會報道：現場人士零，死傷零呀！呢個運動搞得好急，趕住五月一號上場，啲細節都係一邊做，一邊度，冇廣告推廣筆直，唔該你哋幫吓手好唔好！」
都係為咗香港好啫，五一過後，後日又係浴佛節假期，請大家多多消費，刺激經濟，如果唔願使錢，就請你哋捐錢畀「蘋果日報慈善基金」、「護幼教育基金」、「工商界關懷非典受難者基金」、「教育界抗炎助人行動」、「中大中醫中藥研究所」或其他相同基金，造福不幸人士。
同帕鬼輕鉿瘞妠X有益消費者，用一千元購物換國泰（來回東京、大阪）、港龍（來回泰國布吉島）機票，抵到爛；維珍航空、英國航空來回倫敦機票只售二千五百，美利堅航空來回芝加哥、拉斯維加斯、洛杉磯、紐約、聖荷西、多倫多機票，只售三千八百八十八元，亦係非常非常之着數。
酒店老友話：「機票應該多數係五六月間用完，踏入七八月旺季（假如冇沙士嘅話），航空公司就唔想賤賣機票咯。」既然如此，各位消費換機票要趁早，良機勿失，尤其是五六月間到美國參加仔女大學畢業禮嘅，更加值得諗。