非典型肺炎累得人多，香港人成為「同胞勿近」物體，去到邊都要被隔離，旅遊業更加叫苦連天，八方有個做酒店業老友唉聲歎氣大吐苦水，話𠵱家環境重慘過打日本仔年代，當時半島酒店被徵用做司令部，都日日有人出入車水馬龍，𠵱家就冷冷清清，全間酒店得十幾間房出租，其中一半重要係長房，即係實際只租得出幾間房。
中環麗嘉酒店更慘，租得出嘅房「一隻手數晒」，八方上禮拜去麗嘉軒食晏，入到去嚇咗一跳，成個廳得五張枱，數埋唔夠二十個人，企喺度嘅侍應多過客人。至於尖沙嘴喜來登，班商戶搞到話要罷市，點慘法可以想像。
傳真︰2623-9278
電郵︰