憑《麻辣教師GTO》而一度人氣急升嘅中村愛美，上年五月控告日本雜誌《BUBKA》誹謗佢向成人用品店出售內衣褲同尿液，呢件案喺東京地方裁判處開審，不過結果係點，已經乏人問津囉！沉寂咗一年嘅愛美最近終於蒲頭，拍性感寫真集《月刊中村愛美》，佢重話自己已經二十歲，要同性感寫真講byebye喎！
愛美上年搵律師告本雜誌，力斥雜誌報道失實，令佢形象受損，要求索償二百萬港元。不過大家睇吓愛美呢輯全新寫真，佢啲甫士幾咁大膽放蕩，我羅拉都唔明佢有乜嘢形象被破壞！
講番本寫真集啦，霎眼望去愛美個樣竟然有啲似楊采妮，不過梗係唔似楊采妮咁純情啦。愛美喺本寫真入面成日有意無意露底，又以背部全裸示人，影相時又不時將條底褲拉低，好明顯係挑逗啲麻甩佬啫，我羅拉都睇到眼都凸埋，不過愛美話對呢輯相好滿意，重話十年後睇番都會覺得一樣咁正喎！